रेव्हिन्यू डिपार्टमेंट एम्प्लॉइज को-ऑपरेटिव्ह क्रेडीट सोसायटी लि. रत्नागिरी ही सभासदकेंद्री सेवा, पारदर्शक कारभार आणि सहकाराच्या मूल्यांशी बांधील आहे.
रत्नागिरी जिल्ह्यातील महसूल विभागातील कर्मचाऱ्यांच्या आर्थिक गरजा समजून त्यांना विश्वासार्ह पतपुरवठा व आर्थिक सेवा देण्याचे कार्य संस्था करीत आहे. सभासद हित, पारदर्शकता आणि जबाबदार व्यवस्थापन ही संस्थेच्या कार्याची मूलभूत तत्त्वे आहेत.
प्रत्येक सेवेमध्ये सभासदांच्या गरजांना प्राधान्य.
सुरक्षित, शिस्तबद्ध आणि जबाबदार आर्थिक कामकाज.
सहकाराच्या नियमांनुसार स्पष्ट आणि पारदर्शक व्यवस्थापन.
पतसंस्थेच्या मुख्य कामकाजासोबत संस्था धान्य विभाग आणि सेतू सेवा केंद्राचे व्यवस्थापन करते.
संस्था गेली अनेक वर्षे धान्य दुकाने चालवीत आहे. संस्था चालवित असलेली रास्त दराची धान्य दुकाने रत्नागिरी शहरात दुकान नं. १ व ६ एकत्र झाडगाव येथे चालू आहेत. तसेच दुकान नं. ४ व ५ एकत्र मारुती मंदिर येथे चालू आहेत. तिसरे दुकान नाचणे येथे चालू आहे. तीन वर्षांपूर्वी दुकानांसाठी निविदा भरून तोणदे दुकान व पोमेंडी दुकान संस्थेकडे घेण्यात यश आले आहे. त्यामुळे सद्यस्थितीमध्ये संस्था एकूण ७ रास्त भाव धान्य दुकाने चालवित आहे.
जिल्हाधिकारी कार्यालयाच्या आवारातील सेतू सेवा केंद्राचे व्यवस्थापन आपली संस्था करीत असून, महाऑनलाईन सुविधेअंतर्गत ऑनलाईन दाखले वितरण करून लोकांना जास्तीत जास्त सुविधा करून देण्यात आली आहे. त्याचप्रमाणे लाईट बिल भरणा चालू करून ग्राहकांना सेवा देण्याचे काम केले आहे. तसेच नागरिकांच्या सोयीसाठी आधारकार्ड नोंदणी केंद्र, गॅझेट व प्रॉपर्टी कार्ड, ७/१२, ८-अ फेरफार देणे इत्यादी सेवा चालू करण्यात आल्या आहेत. भविष्यात जास्तीत जास्त नफा मिळविण्यासाठी संस्था प्रयत्नशील आहे.
कार्यालयीन कामकाज व सेवांबाबत अधिक माहितीसाठी खालील क्रमांकावर संपर्क साधा.
जिल्हाधिकारी कार्यालय आवार,
जयस्तंभ, रत्नागिरी